മുംബൈ: മഹാരാഷ്ട്രയിലെ ഗോരെഗാവിൽ അനുവാദമില്ലാതെ വസ്ത്രങ്ങളും സാധനങ്ങളും ഉപയോഗിച്ചതിന്റെ പേരിൽ സുഹൃത്തിന്റെ മർദനമേറ്റ് യുവാവ് മരിച്ചു. സൂരജ് ഡോലെയെ (26) ആണ് സുഹൃത്ത് സുബോധ് വാഗ്മാരെ (37) എന്ന യുവാവ് കൊലപ്പെടുത്തിയത്.
മരിച്ച സൂരജ് ഡോലെ അനുവാദമില്ലാതെ വസ്ത്രങ്ങളും മറ്റ് സാധനങ്ങളും നിരന്തരം ഉപയോഗിക്കാറുണ്ടായിരുന്നുവെന്നും വസ്ത്രങ്ങളടങ്ങിയ ബാഗ് ചോദിക്കാതെ എടുത്തുകൊണ്ടുപോയി തിരികെ തന്നില്ലെന്നും സുബോധ് വാഗ്മാരെ സുഹൃത്തുക്കളോട് പറഞ്ഞു. ഇതേച്ചൊല്ലിയുണ്ടായ വാക്കുതർക്കത്തിനിടെ സൂരജ് ഡോലെ അസഭ്യം പറഞ്ഞതായും തുടർന്ന് പ്രകോപിതനായ സുബോധ് വാഗ്മാരെ റോഡരികിൽ കിടന്ന കല്ലുകൊണ്ട് ഇയാളുടെ മുഖത്ത് ഇടിച്ചു പരിക്കേൽപ്പിക്കുകയുമായിരുന്നു.
ഗുരുതരമായി പരിക്കേറ്റ് രക്തം വാർന്ന സൂരജിനെ പിന്നീട് മരിച്ച നിലയിൽ കണ്ടെത്തുകയായിരുന്നു. സംഭവസ്ഥലത്തുനിന്ന് രക്ഷപ്പെട്ട പ്രതിക്കായി പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.

Be the first to comment