രക്ഷാബന്ധൻ പരസ്യത്തെച്ചൊല്ലി വാക്പോര്! വിവാദത്തെ തുടർന്ന് പരസ്യം പിൻവലിച്ചു

രക്ഷാബന്ധൻ പരസ്യത്തെച്ചൊല്ലി നടിമാരായ കൃതി സാനനും കങ്കണ റണൗട്ടും തമ്മിൽ സോഷ്യൽ മീഡിയയിൽ വലിയ വാക്പോര് നടക്കുകയും കടുത്ത വിമർശനങ്ങൾ ഉയരുകയും ചെയ്തതിന് പിന്നാലെ, പ്രസ്തുത പരസ്യം ജ്വല്ലറി ബ്രാൻഡ് ഔദ്യോഗികമായി പിൻവലിച്ചു. സമൂഹത്തിൽ ചില വിഭാഗങ്ങളുടെ വികാരങ്ങളെ വ്രണപ്പെടുത്താൻ ഉദ്ദേശിച്ചിട്ടില്ലെന്നും സംസ്കാരത്തോടും ആചാരങ്ങളോടും പൂർണ്ണ ബഹുമാനമുണ്ടെന്ന് വ്യക്തമാക്കിയുമാണ് ജ്വല്ലറി അധികൃതർ പരസ്യം എല്ലാ സോഷ്യൽ മീഡിയ പ്ലാറ്റ്‌ഫോമുകളിൽ നിന്നും നീക്കം ചെയ്തത്.

വസ്ത്രധാരണത്തെക്കുറിച്ചുള്ള വിമർശനങ്ങൾക്ക് കൃതി സാനൻ ശക്തമായ മറുപടി നൽകി ഒരു ദിവസത്തിനകമാണ് കമ്പനിയുടെ ഈ നടപടി.രക്ഷാബന്ധൻ പരസ്യത്തെച്ചൊല്ലി ബോളിവുഡ് നടി കൃതി സാനനും കങ്കണ റണൗട്ടും തമ്മിൽ സോഷ്യൽ മീഡിയയിൽ വലിയ വാക്പോര് നടന്നു. പ്രമുഖ ജ്വല്ലറി ബ്രാൻഡിന്റെ രക്ഷാബന്ധൻ പരസ്യത്തിൽ കൃതി ധരിച്ചിരുന്ന ബ്രാലെറ്റ് ശൈലിയിലുള്ള ബ്ലൗസും കേപ് ശ്രഗും വസ്ത്രധാരണവും അനാവശ്യമാണെന്ന് ചൂണ്ടിക്കാട്ടി ബിജെപി എംപിയും നടിയുമായ കങ്കണ റണൗട്ട് രംഗത്തെത്തുകയായിരുന്നു.

എന്നാൽ, സംസ്കാരവും പാരമ്പര്യവും മനസ്സിലാണ് വേണ്ടതെന്നും സ്ത്രീകളുടെ വസ്ത്രധാരണത്തെക്കുറിച്ചുള്ള ഉപദേശങ്ങൾ അവസാനിപ്പിക്കണമെന്നും പറഞ്ഞ് കൃതിയും ഇതിന് ശക്തമായ മറുപടി നൽകി. രാഖി കെട്ടുന്ന ചടങ്ങിൽ വളർത്തുമൃഗങ്ങളെ കുടുംബാംഗങ്ങളായി കാണുന്നതിനെയും പരസ്യത്തിലെ മറ്റ് വസ്ത്രധാരണരീതികളെയും മുൻനിർത്തി ഇരുവിഭാഗങ്ങൾക്കുമിടയിൽ വലിയ ചർച്ചകളാണ് സോഷ്യൽ മീഡിയയിൽ ഉയർന്നത്. കോൺഗ്രസ് നേതാവ് രാഹുൽ ഗാന്ധി ഉൾപ്പെടെ ഉള്ളവർ കൃതി സാനന് പിന്തുണയുമായി രംഗത്ത് വന്നിട്ടുണ്ട്