തെന്നിന്ത്യൻ സിനിമയിൽ മികവാർന്ന അഭിനയത്തിലൂടെ തന്റേതായൊരു സ്ഥാനം നേടിയെടുത്ത നടിയാണ് ഖുശ്ബു. രാഷ്ട്രീയത്തിലും സജീവമാണ് നടി. കഴിഞ്ഞ കുറച്ചു വർഷങ്ങളായി താരം നടത്തി കൊണ്ടിരിക്കുന്ന മേക്കോവർ ആരെയും അമ്പരപ്പിക്കുന്നതാണ്. പഴയ ഖുശ്ബു തന്നെയാണോ ഇതെന്നാണ് ആരാധകർ അമ്പരപ്പോടെ ചോദിക്കുന്നത്.
തന്റെ ഈ മാറ്റത്തിനു പിന്നിലെ കഠിനാധ്വാനത്തെ കുറിച്ച് ഖുശ്ബു തുറന്നുപറയുന്നുണ്ട്. തന്റെ ഡോക്ടറുടെയും കുടുംബത്തിന്റെയും പിന്തുണയാണ് ഇതിന് കാരണമെന്ന് ഖുശ്ബു പറഞ്ഞു.
വളരെ സന്തോഷത്തോടെ പെരുമാറുന്നതും അമിതഭാരമുള്ളതും രണ്ടാണ്. എന്റെ ഭാരം 98.6 കിലോ ആയിരുന്നു. ഒന്നര കിലോ കൂടി ഉണ്ടായിരുന്നെങ്കിൽ 100 കിലോയിലെത്തുമായിരുന്നു. എനിക്ക് മറ്റ് ആരോഗ്യപ്രശ്നങ്ങളൊന്നും ഉണ്ടായിരുന്നില്ല. എന്നാൽ ഷൂട്ടിങ്ങിനിടെ ഉണ്ടായ പരിക്കുകൾ കാരണം മുട്ടിന് പ്രശ്നങ്ങളുണ്ടായിരുന്നു. ഒരു പടിക്കെട്ട് കയറിയാൽ പോലും മുട്ടുവേദന ഉണ്ടാകുമായിരുന്നു. ഓടാനോ നടക്കാനോ കഴിഞ്ഞിരുന്നില്ല. അതിനാൽ മുട്ടുവേദന കുറയ്ക്കാൻ ഭാരം കുറയ്ക്കണമെന്ന് ഡോക്ടർ നിർദേശിച്ചു. അത്രമാത്രം. ഏകദേശം അഞ്ച് വർഷം കൊണ്ട് 40 കിലോ ഭാരം കുറച്ചു. 2021-ലാണ് തുടങ്ങിയത്. ഇപ്പോഴാണ് ലക്ഷ്യം നേടിയത്. പിന്നീട് അത് ജീവിതശൈലിയുടെ ഭാഗമായിക്കഴിഞ്ഞു. നമ്മുടെ ആരോഗ്യത്തെക്കുറിച്ച് ബോധവാന്മാരാകുമ്പോൾ… പഞ്ചസാരയോ രക്തസമ്മർദ്ദമോ ഉണ്ടാകരുത്… അവ വരാതിരിക്കാൻ ശ്രദ്ധിക്കണം,” കുമുദം ഓൺലൈനിന് നൽകിയ അഭിമുഖത്തിൽ ഖുശ്ബു പറഞ്ഞു.
ഗ്ലൂട്ടൻ അലർജി
“എന്റെ കുടുംബത്തിൽ, ആദ്യം എന്റെ ഭർത്താവ് (സംവിധായകനും നടനുമായ സുന്ദർ സി) ആണ് ഇത് തുടങ്ങിയത്. പിന്നാലെ കുട്ടികളും തുടങ്ങി. അപ്പോൾ ഞാൻ ചിന്തിച്ചു, എനിക്കും എന്തുകൊണ്ട് ചെയ്തുകൂടാ എന്ന്. ഭർത്താവിനൊപ്പം നടക്കാൻ തുടങ്ങി, വ്യായാമവും യോഗയും ചെയ്യാൻ തുടങ്ങി. എനിക്കും ഭാരം കൂടുകയും കുറയുകയും ചെയ്യുന്ന YO-YO മാറ്റങ്ങൾ ഉണ്ടായിരുന്നു. ഭാരം കുറച്ചിട്ട് വീണ്ടും കൂടും. എന്തുകൊണ്ടാണ് ഭാരം സ്ഥിരമായി കുറയാത്തതെന്ന് മനസ്സിലായിരുന്നില്ല. കൂടാതെ, എനിക്ക് ഗ്ലൂട്ടൻ അസഹിഷ്ണുത പോലുള്ള അലർജികൾ ഉണ്ടെന്ന് അറിയില്ലായിരുന്നു. ശരീരത്തിൽ വീക്കം ഉണ്ടാകുമായിരുന്നു. അതിനാൽ ചപ്പാത്തിയും മൈദയും ഒഴിവാക്കി,” ഖുശ്ബു കൂട്ടിച്ചേർത്തു.
ഓരോ ചുവടുവയ്ക്കുമ്പോഴും ശരീരഭാരം മുട്ടുകൾ താങ്ങുന്നു എന്നാണ് താനെ ജൂപിറ്റർ ഹോസ്പിറ്റലിലെ ഇന്റേണൽ മെഡിസിൻ വിഭാഗം ഡയറക്ടർ ഡോ. അമിത് സറഫ് പറയുന്നത്. അതിനാൽ ഭാരം കൂടുമ്പോൾ സന്ധികളിലെ സമ്മർദ്ദവും വർധിക്കും.
Be the first to comment