ഡെമോക്രാറ്റിക് റിപ്പബ്ലിക് ഓഫ് കോംഗോയിൽ (ഡി.ആർ.സി) പടർന്നുപിടിക്കുന്ന എബോള വ്യാപനം ഇപ്പോഴും ആഗോള ആരോഗ്യ അടിയന്തരാവസ്ഥയായി തുടരുന്നുവെന്ന് ലോകാരോഗ്യ സംഘടന മുന്നറിയിപ്പ് നൽകി. രാജ്യത്തെ ആകെ രോഗബാധിതരുടെ എണ്ണം 5,000 കടന്നതായും അധികൃതർ വ്യക്തമാക്കി.
എബോള വ്യാപനം ഇതുവരെ പൂർണ്ണമായി നിയന്ത്രണവിധേയമായിട്ടില്ലെന്നും പ്രതിരോധ പ്രവർത്തനങ്ങളേക്കാൾ വേഗത്തിലാണ് രോഗം പടരുന്നതെന്നും ഡബ്ല്യു.എച്ച്.ഒ ഡയറക്ടർ ജനറൽ ടെഡ്രോസ് അദാനോം ഗെബ്രെസൂസ് അടിയന്തര യോഗത്തിന് ശേഷം വ്യക്തമാക്കി. കോംഗോയിലെ ഏറ്റവും മാരകമായ ഈ എബോള വ്യാപനത്തിൽ ഇതുവരെ 2,320-ലധികം ആളുകളാണ് മരണപ്പെട്ടത്.
ചികിത്സാ കേന്ദ്രങ്ങൾക്ക് പുറത്ത് വീടുകളിലും സമൂഹത്തിനുള്ളിലും ആളുകൾ മരിക്കുന്നതാണ് ഏറ്റവും വലിയ ആശങ്കയെന്ന് ഡബ്ല്യു.എച്ച്.ഒ ചൂണ്ടിക്കാണിക്കുന്നു. ഇത് രോഗവ്യാപനത്തിന്റെ ഉറവിടങ്ങൾ കണ്ടെത്തുന്നത് ബുദ്ധിമുട്ടാക്കുന്നു.
Be the first to comment