കാഠ്മണ്ഡു: നേപ്പാളിൽ മിന്നൽപ്രളയം വിതച്ച മഹാദുരന്തത്തിനിടയിൽനിന്നും പുറത്തുവരുന്നത് ഹൃദയഭേദകമായ കാഴ്ചകൾ. വീടും ഉറ്റവരെയും നഷ്‌ടപ്പെട്ട മനുഷ്യർക്കൊപ്പം, അവശിഷ്‌ടങ്ങൾക്കിടയിൽ തങ്ങളുടെ ഉടമകളെ തിരയുന്ന വളർത്തുനായ്ക്കളുടെ വീഡിയോകളും സമൂഹമാധ്യമങ്ങളിൽ നൊമ്പരമാകുകയാണ്. പ്രളയം മനുഷ്യരെയും അവരുടെ പ്രിയപ്പെട്ട വളർത്തുമൃഗങ്ങളെയും എങ്ങനെ വേർപെടുത്തിയെന്ന് ഈ ദൃശ്യങ്ങൾ വ്യക്തമാക്കുന്നു.
ദുരന്തം വലിയ നാശംവിതച്ച ധുംഗെ പ്രദേശത്തുനിന്നുള്ള ലില്ലി എന്ന നായയുടെ കാത്തിരിപ്പാണ് ഇതിൽ ഏറ്റവും വേദനജനകം. താൻ ജീവിച്ചിരുന്ന വീട് നിന്നിരുന്ന സ്ഥലത്ത് കഴുത്തിലൊരു ബെൽറ്റുമായി ലില്ലി ഇപ്പോഴും ഇരിപ്പുണ്ട്. പ്രദേശവാസികൾ അവൾക്കു ഭക്ഷണം നൽകുന്നുണ്ടെങ്കിലും തന്നെ ഊട്ടിയിരുന്ന ഹോട്ടൽ ഉടമയെ തിരയുകയാണ് അവളിപ്പോഴും. ലില്ലിയുടെ ഉടമയടക്കം നിരവധി പേരെയാണ് ഈ പ്രദേശത്തു കാണാതായിട്ടുള്ളത്.
Be the first to comment