ഓ​പ്പ​റേ​ഷ​ൻ മ​ഖ്ന​യി​ൽ സു​ര​ക്ഷാ വീ​ഴ്ച: ലോ​റി​ത​ട്ടി വൈ​ദ്യു​ത​ലൈ​ൻ പൊ​ട്ടി; ജീ​വ​ന​ക്കാ​രും കു​ങ്കി​യാ​ന​യും ര​ക്ഷ​പ്പെ​ട്ട​ത് ത​ല​നാ​രി​ഴ​യ്ക്ക്

ഇ​രി​ട്ടി: ആ​റ​ളം പു​ന​ര​ധി​വാ​സ മേ​ഖ​ല​യി​ൽ ഭീ​ഷ​ണി​യാ​യി​രു​ന്ന മോ​ഴ​യാ​ന​യെ വി​ജ​യ​ക​ര​മാ​യി പി​ടി​കൂ​ടി​യ​തോ​ടെ ഓ​പ്പ​റേ​ഷ​ൻ മ​ഖ്ന പൂ​ർ​ത്തി​യാ​യെ​ങ്കി​ലും ദൗ​ത്യ​ത്തി​ന്‍റെ ആ​സൂ​ത്ര​ണ​ത്തി​ലെ പാ​ളി​ച്ച​ക​ൾ പൊ​തു​ജ​ന​ങ്ങ​ൾ​ക്കും ദു​രി​ത​മാ​യ​താ​യി ആ​ക്ഷേ​പം.

ഓ​പ്പ​റേ​ഷ​ന്‍റെ ഭാ​ഗ​മാ​യി കു​ങ്കി​യാ​ന​ക​ളെ ബ്ലോ​ക്ക് പ​തി​മൂ​ന്നി​ലേ​ക്ക് എ​ത്തി​ക്കു​ന്ന​തി​നി​ടെ ഗു​രു​ത​ര സു​ര​ക്ഷാ​വീ​ഴ്ച​യു​ണ്ടാ​യി. ആ​ദ്യ ര​ണ്ട് കു​ങ്കി​യാ​ന​ക​ളെ ലോ​റി​യി​ൽ ദൗ​ത്യ​സ്ഥ​ല​ത്തേ​ക്ക് എ​ത്തി​ക്കു​ന്ന​തി​നി​ടെ സ​ഞ്ചാ​ര​പാ​ത​യി​ലെ വൈ​ദ്യു​തി ലൈ​നു​ക​ൾ ഓ​ഫ് ചെ​യ്തി​രു​ന്നി​ല്ല. ലോ​റി​യു​ടെ മു​ക​ൾ​ഭാ​ഗം വൈ​ദ്യു​തി​ലൈ​നി​ൽ ത​ട്ടി​യ​തോ​ടെ ലൈ​ൻ പൊ​ട്ടി​വീ​ണു. ഭാ​ഗ്യം കൊ​ണ്ടാ​ണ് ആ​ന​യും ലോ​റി​യി​ലു​ണ്ടാ​യി​രു​ന്ന ആ​റു ജീ​വ​ന​ക്കാ​രും വൈ​ദ്യു​താ​ഘാ​ത​മേ​ൽ​ക്കാ​തെ ര​ക്ഷ​പ്പെ​ട്ട​ത്.

1700ലേ​റെ കു​ടും​ബ​ങ്ങ​ൾ താ​മ​സി​ക്കു​ന്ന ആ​റ​ളം പു​ന​ര​ധി​വാ​സ മേ​ഖ​ല​യി​ൽ 10 മ​ണി​ക്കൂ​റി​ലേ​റെ വൈ​ദ്യു​തി മു​ട​ങ്ങി​യ​ത് പ്ര​തി​ഷേ​ധ​ത്തി​നി​ട​യാ​ക്കി. മോ​ഴ​യാ​ന​യെ പി​ടി​കൂ​ടി മാ​റ്റി​യ​ശേ​ഷ​മാ​ണ് മേ​ഖ​ല​യി​ലെ വൈ​ദ്യു​തി ബ​ന്ധം പു​നഃ​സ്ഥാ​പി​ച്ച​ത്.

വ​ന്യ​മൃ​ഗ​ശ​ല്യം രൂ​ക്ഷ​മാ​യ മേ​ഖ​ല​യി​ൽ മ​ണി​ക്കൂ​റു​ക​ളോ​ളം വെ​ളി​ച്ച​മി​ല്ലാ​താ​യ​ത് പ്ര​ദേ​ശ​വാ​സി​ക​ളെ ആ​ശ​ങ്ക​യി​ലാ​ക്കി. പ​ല​രു​ടെ​യും മൊ​ബൈ​ൽ ഫോ​ണു​ക​ൾ ചാ​ർ​ജ് തീ​ർ​ന്ന് ഓ​ഫാ​യ​തോ​ടെ പ​ര​സ്പ​രം ബ​ന്ധ​പ്പെ​ടു​ന്ന​തി​നും ബു​ദ്ധി​മു​ട്ടു​ണ്ടാ​യി. ഇ​തി​നി​ടെ വി​വി​ധ ഭാ​ഗ​ങ്ങ​ളി​ൽ ആ​ന ഇ​റ​ങ്ങി​യ​താ​യി പ്ര​ദേ​ശ​വാ​സി​ക​ൾ പ​റ​ഞ്ഞ​തും ആ​ശ​ങ്ക വ​ർ​ധി​പ്പി​ച്ചു.