തിരുവനന്തപുരം: യുഡിഎഫ് കൺവീനർ അടൂര്‍ പ്രകാശിന്‍റെ വിമർശനങ്ങൾ കോൺഗ്രസിൽ പുതിയ പോർമുഖം തുറന്ന സാഹചര്യത്തിൽ പ്രതികരണവുമായി മന്ത്രി കെ. മുരളീധരന്‍. അറിയേണ്ട കാര്യങ്ങള്‍ എല്ലാം കൃത്യമായി മുഖ്യമന്ത്രി അറിയിക്കാറുണ്ടെന്നും ഇതിൽ തനിക്കിപ്പോൾ പരാതി ഇല്ലെന്നും അദ്ദേഹം വ്യക്തമാക്കി.
പല കാര്യങ്ങളും മാധ്യമങ്ങളിലൂടെയാണ് അറിയുന്നതെന്ന് താന്‍ നേരത്തെ വ്യക്തമാക്കിയതാണെന്നും മന്ത്രി പറഞ്ഞു. “ഒന്നുമറിയുന്നില്ലെന്ന് പണ്ട് പറഞ്ഞപ്പോള്‍ എന്നെ കൊത്തിപ്പറിച്ചവരാണ് പലരും. പാര്‍ട്ടിക്കകത്ത് കാര്യം പറയണമെന്ന് വലിയ ഉപദേശം ആയിരുന്നു അന്ന്. ഇപ്പോള്‍ അറിയേണ്ട കാര്യങ്ങള്‍ എല്ലാം കൃത്യമായി മുഖ്യമന്ത്രി അറിയിക്കാറുണ്ട്. കെപിസിസി അധ്യക്ഷനുമായി നിരന്തരം സംസാരിക്കാറുണ്ട്’- കെ. മുരളീധരന്‍ പറഞ്ഞു.
വ്യാഴാഴ്ചയായിരുന്നു അടൂര്‍ പ്രകാശ് മുഖ്യമന്ത്രി വി.ഡി. സതീശനെതിരേ വാര്‍ത്താസമ്മേളനത്തില്‍ തന്‍റെ അതൃപ്തി വ്യക്തമാക്കിയത്. യുഡിഎഫില്‍ കൂടിയാലോചനകള്‍ നടക്കുന്നില്ലെന്നും ചര്‍ച്ചയില്ലാതെയാണ് തീരുമാനങ്ങള്‍ എടുക്കുന്നതെന്നും അദ്ദേഹം പറഞ്ഞിരുന്നു. യുഡിഎഫ് യോഗം പോലും വിളിക്കുന്നില്ല. തീരുമാനങ്ങള്‍ അറിയുന്നത് മാധ്യമങ്ങളിലൂടെയാണെന്നും അദ്ദേഹം തുറന്നടിച്ചിരുന്നു.
Be the first to comment