2026-ലെ സാഹിത്യത്തിനുള്ള നൊബേൽ സമ്മാനം പ്രഖ്യാപിച്ചു. പ്രശസ്ത കനേഡിയൻ എഴുത്തുകാരിയും ക്ലാസിസിസ്റ്റുമായ ആൻ കാഴ്സനാണ് പുരസ്കാരം. സാഹിത്യത്തിലെ ക്ലാസിക്കൽ പാരമ്പര്യങ്ങളോട് സംവാദത്തിലേർപ്പെട്ട് സമകാലിക സാഹിത്യത്തിന് പുതിയ മാനങ്ങൾ നൽകിയ അവരുടെ ധീരവും നൂതനവുമായ കൃതികളെ മാനിച്ചാണ് സ്വീഡിഷ് അക്കാദമിയുടെ അംഗീകാരം. കവി, പണ്ഡിത, വിവർത്തക, പ്രൊഫസർ, ഉപന്യാസക എന്നീ നിലകളിൽ തിളങ്ങിയ 76-കാരിയായ ആൻ കാഴ്സൺ കനേഡിയൻ സാഹിത്യത്തിലെ ബഹുമുഖ പ്രതിഭയാണ്.
ഇരുപതിലധികം പുസ്തകങ്ങൾ രചിച്ചിട്ടുള്ള ആൻ കാഴ്സണെ കാനഡ സർക്കാർ മുൻപ് മെമ്പർ ഓഫ് ഓർഡർ ഓഫ് കാനഡ നൽകി ആദരിച്ചിട്ടുണ്ട്. ക്ലാസിക്കൽ സാഹിത്യത്തെയും സർഗാത്മക രചനകളെയും കോർത്തിണക്കുന്ന വൈവിധ്യമാർന്ന ശൈലിയാണ് അവരുടെ കൃതികളുടെ സവിശേഷത.
Be the first to comment