സുവിശേഷവത്കരണത്തിനായുള്ള ഡിക്കാസ്റ്ററിയിലെ സുവിശേഷവത്കരണത്തിനും പുതിയ പ്രാദേശിക സഭകൾക്കും വേണ്ടിയുള്ള വിഭാഗത്തിന്റെ അനുബന്ധ സെക്രട്ടറിയായി സി. മേരി തെരേസ ബാരോണിനെ ലെയോ പതിനാലാമൻ മാർപാപ്പ നിയമിച്ചു. പൊന്തിഫിക്കൽ മിഷൻ സൊസൈറ്റീസിന്റെ പ്രസിഡന്റ് ചുമതലയും ഇതോടൊപ്പം ഇവർ നിർവഹിക്കും.
നിലവിൽ മിഷനറി സിസ്റ്റേഴ്സ് ഓഫ് ഔർ ലേഡി ഓഫ് അപ്പോസ്റ്റൽസ് (Missionary Sisters of Our Lady of Apostles) സന്യാസിനീ സമൂഹത്തിന്റെ സുപ്പീരിയർ ജനറലായ സിസ്റ്റർ ബാരോൺ, 2027 ജനുവരി നാലിന് പുതിയ ചുമതലകൾ ഏൽക്കും. 1968 നവംബർ ഏഴിന് അയർലൻഡിലെ ഡോണഗലിലാണ് സിസ്റ്റർ മേരി തെരേസ ബാരോൺ ജനിച്ചത്. ഡബ്ലിനിലെ ഇൻസ്റ്റിറ്റ്യൂട്ട് ഫോർ പബ്ലിക് അഡ്മിനിസ്ട്രേഷനിൽ നിന്ന് പബ്ലിക് ഹെൽത്ത്‌കെയർ അഡ്മിനിസ്ട്രേഷനിലും, അയർലൻഡിലെ ഡബ്ലിനിലുള്ള കിമ്മേജ് ഇൻസ്റ്റിറ്റ്യൂട്ടിൽ നിന്ന് ഇന്റർനാഷണൽ ഡെവലപ്‌മെന്റിലും മാസ്റ്റേഴ്സ് ബിരുദങ്ങൾ നേടിയിട്ടുണ്ട്.
2022 മുതൽ 2025 വരെ ‘സർവീസ് ഓഫ് ഡോക്യുമെന്റേഷൻ ആൻഡ് സ്റ്റഡി ഓൺ ഗ്ലോബൽ മിഷൻ’ (SEDOS) പ്രസിഡന്റായും, 2023 മുതൽ 2025 വരെ ഇറ്റലിയിലെ റോം ആസ്ഥാനമായുള്ള ‘ഇന്റർനാഷണൽ യൂണിയൻ ഓഫ് സുപ്പീരിയേഴ്സ് ജനറൽ’ പ്രസിഡന്റായും പ്രവർത്തിച്ചു. 2018 മുതൽ മിഷനറി സിസ്റ്റേഴ്സ് ഓഫ് ഔർ ലേഡി ഓഫ് അപ്പോസ്റ്റൽസ്സിന്റെ സുപ്പീരിയർ ജനറലായി സേവനമനുഷ്ഠിച്ചു വരികയാണ്.
Be the first to comment