ആർട്ടിഫിഷ്യൽ ഇന്റലിജൻസ് മേഖലയിൽ വൻതോതിൽ നിക്ഷേപം തുടരുന്നതിനിടയിൽ 4800 ജീവനക്കാരെ പിരിച്ചുവിടാനൊരുങ്ങി മൈക്രോസോഫ്റ്റ്. മൈക്രോസോഫ്റ്റിന്റെ പ്രശസ്തമായ ‘എക്സ്ബോക്സ്’ ഗെയിമിംഗ് ഡിവിഷനെ കേന്ദ്രീകരിച്ചാണ് ഇത്തവണത്തെ അഴിച്ചുപണി നടക്കുന്നത്. എഐ സാങ്കേതികവിദ്യയുടെ വളർച്ചയും കൺസോൾ ഗെയിമിംഗ് വിപണിയിലെ വെല്ലുവിളികളുമാണ് പുതിയ നീക്കത്തിന് പിന്നിലെന്നാണ് വിവരം.
എഐ അടിസ്ഥാന സൗകര്യങ്ങൾ വർധിപ്പിക്കുന്നതിനും ബിസിനസ് പ്രവർത്തനങ്ങൾ കൂടുതൽ കാര്യക്ഷമമാക്കുന്നതിനുമായാണ് ഈ നടപടി. തിങ്കളാഴ്ചയാണ് കമ്പനി പുതിയ പിരിച്ചുവിടൽ പ്രഖ്യാപനം നടത്തിയത്. 2026-ന്റെ ആദ്യ പകുതിയിൽ മൈക്രോസോഫ്റ്റിന്റെ ഓഹരി മൂല്യത്തിൽ ഉണ്ടായ വൻ ഇടിവിന് പിന്നാലെയാണിത്.
ഈ വർഷം ആദ്യം മൈക്രോസോഫ്റ്റ് തങ്ങളുടെ യു.എസിലെ 9,000 ജീവനക്കാരോട് സ്വമേധയാ പിരിഞ്ഞുപോകാൻ ആവശ്യപ്പെട്ടിരുന്നു. സാധാരണയായി മൈക്രോസോഫ്റ്റ് ജീവനക്കാരെ പിരിച്ചുവിടാറുണ്ട്. ഈ വർഷം ബിഗ് ടെക് കമ്പനികളുടെ എഐ നിക്ഷേപം 700 ബില്യൺ ഡോളർ കവിയുമെന്നാണ് വ്യവസായ രംഗത്തെ കണക്കുകൾ സൂചിപ്പിക്കുന്നത്. അതിനാൽ വർധിച്ചുവരുന്ന ചെലവുകൾ കൈകാര്യം ചെയ്യാനും ലാഭം ഉറപ്പാക്കാനുമാണ് ഈ നീക്കം.
കമ്പനികളിലെ ദൈനംദിന ജോലികൾ എഐ ടൂളുകൾ ഉപയോഗിച്ച് ഓട്ടോമേറ്റ് ചെയ്യുന്നത് മൈക്രോസോഫ്റ്റിന്റെ ലാഭകരമായ സോഫ്റ്റ്വെയർ ബിസിനസിന് വലിയ വെല്ലുവിളിയായി മാറിയിട്ടുണ്ട്. ഇത് ജീവനക്കാരുടെ ജോലി നഷ്ടപ്പെടാനും കാരണമാകുന്നു.
ആമസോൺ, മെറ്റ് കമ്പനികൾ ആയിരക്കണക്കിന് ജീവനക്കാരെ ഈ വർഷം പിരിച്ചുവിട്ടിരുന്നു. ഇതിന് പിന്നാലെയാണ് മൈക്രോസോഫ്റ്റും സമാന നടപടിയും മുന്നോട്ടുവരുന്നത്.
Be the first to comment