മുംബൈ: ട്രെയിനിൽ നിന്ന് കാൽതെറ്റി പാളത്തിലേക്ക് വീണ് യുവതിക്ക് പരിക്ക്. മുംബൈയിലെ ദിവയ്ക്കും മുമ്ബ്രയ്ക്കും ഇടയിലാണ് സംഭവം നടന്നത്. തിരക്കേറിയ സമയത്ത് മുംബൈയിലേക്ക് പോവുകയായിരുന്ന ലോക്കൽ ട്രെയിനിൽ നിന്നാണ് യുവതി വീണത്.
ദിവയ്ക്കും മുമ്ബ്രയ്ക്കും ഇടയിൽ ട്രെയിൻ നിർത്തിയപ്പോഴായിരുന്നു അപകടം. ട്രെയിനിൽ തിരക്കായതിനാൽ യുവതി വാതിലിനോട് ചേർന്നാണ് നിന്നിരുന്നത്. ട്രെയിൻ നിർത്തിയിട്ടിരുന്ന സമയത്ത് കാൽതെറ്റി റെയിൽപാളത്തിന് സമീപത്തെ ഓടയിലേക്ക് വീഴുകയായിരുന്നു. ട്രെയിൻ നിർത്തിയിട്ടിരുന്ന സമയത്തായതിനാലും ഓടയിലേക്ക് വീണതിനാലും യുവതി നിസാര പരിക്കുകളോടെ രക്ഷപ്പെട്ടു.
Be the first to comment