ട്രെ​യി​നി​ൽ ബോം​ബ് വ​ച്ച​താ​യി വ്യാ​ജ സ​ന്ദേ​ശം; പ്ര​തി പി​ടി​യി​ൽ

കാ​ഞ്ഞ​ങ്ങാ​ട്: ട്രെ​യി​നി​ൽ ബോം​ബ് വെ​ച്ചി​ട്ടു​ണ്ടെ​ന്ന് വ്യാ​ജ സ​ന്ദേ​ശം ന​ൽ​കി പോ​ലീ​സി​നെ​യും സു​ര​ക്ഷാ​സേ​ന​യെ​യും യാ​ത്ര​ക്കാ​രെ​യും മ​ണി​ക്കൂ​റു​ക​ളോ​ളം ആ​ശ​ങ്ക​യി​ലാ​ഴ്ത്തി​യ പ്ര​തി അ​റ​സ്റ്റി​ൽ. ബ​ങ്ക​ളം സ്വ​ദേ​ശി പി.​വി. ര​തീ​ഷ് (42) ആ​ണ് ഹൊ​സ്ദു​ർ​ഗ് പോ​ലീ​സി​ന്‍റെ പി​ടി​യി​ലാ​യ​ത്. ബു​ധ​നാ​ഴ്ച രാ​ത്രി​യാ​യി​രു​ന്നു സം​ഭ​വം.

ഹൊ​സ്ദു​ർ​ഗ്, കാ​സ​ർ​ഗോ​ഡ് പോ​ലീ​സ് സ്റ്റേ​ഷ​നു​ക​ളി​ലേ​ക്കും കാ​സ​ർ​ഗോ​ഡ് റെ​യി​ൽ​വേ പോ​ലീ​സി​ലേ​ക്കും എ​മ​ർ​ജ​ൻ​സി ന​മ്പ​റാ​യ 112 വ​ഴി​യാ​ണ് ഇ​യാ​ൾ വ്യാ​ജ സ​ന്ദേ​ശം ന​ൽ​കി​യ​ത്. ട്രെ​യി​നി​ൽ ബോം​ബ് വെ​ച്ചി​ട്ടു​ണ്ടെ​ന്ന് അ​റി​യി​ച്ചെ​ങ്കി​ലും വി​ളി​ക്കു​ന്ന​ത് ആ​രാ​ണെ​ന്നോ എ​വി​ടെ​യാ​ണെ​ന്നോ വ്യ​ക്ത​മാ​ക്കാ​ൻ ഇ​യാ​ൾ ത​യാ​റാ​യി​രു​ന്നി​ല്ല.

സ​ന്ദേ​ശം ല​ഭി​ച്ച​തി​നെ തു​ട​ർ​ന്ന് പോ​ലീ​സ് വ്യാ​പ​ക​മാ​യ സു​ര​ക്ഷാ പ​രി​ശോ​ധ​ന​ക​ളാ​ണ് ന​ട​ത്തി​യ​ത്. നേ​ത്രാ​വ​തി, മ​ല​ബാ​ർ, പ​ര​ശു​റാം എ​ക്സ്പ്ര​സ് ട്രെ​യി​നു​ക​ളി​ൽ വി​വി​ധ റെ​യി​ൽ​വേ സ്റ്റേ​ഷ​നു​ക​ളി​ൽ നി​ർ​ത്തി​യാ​ണ് പോ​ലീ​സും റെ​യി​ൽ​വേ സു​ര​ക്ഷാ​സേ​ന​യും പ​രി​ശോ​ധ​ന ന​ട​ത്തി​യ​ത്. മ​ണി​ക്കൂ​റു​ക​ൾ നീ​ണ്ട പ​രി​ശോ​ധ​ന​ക​ൾ​ക്കൊ​ടു​വി​ൽ ട്രെ​യി​നു​ക​ളി​ൽ നി​ന്ന് ബോം​ബോ മ​റ്റ് സം​ശ​യാ​സ്പ​ദ​മാ​യ വ​സ്തു​ക്ക​ളോ ക​ണ്ടെ​ത്താ​നാ​യി​ല്ല.

തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ കാ​ഞ്ഞ​ങ്ങാ​ട് ഭാ​ഗ​ത്തു​നി​ന്നാ​ണ് കോ​ൾ വ​ന്ന​തെ​ന്ന് പോ​ലീ​സ് ക​ണ്ടെ​ത്തി. മാ​വു​ങ്കാ​ലി​ൽ വച്ചാ​ണ് പ്ര​തി​യെ പോ​ലീ​സ് പി​ടി​കൂ​ടി​യ​ത്. ഉ​ത്ത​രേ​ന്ത്യ​ക്കാ​രാ​യ ര​ണ്ട് സ്ത്രീ​ക​ൾ കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​നി​ലേ​ക്കു​ള്ള വ​ഴി ചോ​ദി​ച്ചു​വെ​ന്നും, അ​വ​രു​ടെ കൈ​വ​ശം ബോം​ബ് ഉ​ണ്ടെ​ന്ന് സം​ശ​യി​ച്ചാ​ണ് താ​ൻ ഇ​ത്ത​ര​ത്തി​ൽ വി​വ​രം അ​ധി​കൃ​ത​രെ അ​റി​യി​ച്ച​തെ​ന്നു​മാ​ണ് പ്ര​തി​യു​ടെ മൊ​ഴി.