കോട്ടയം: കോടിമതയില് നിര്ത്തിയിട്ടിരുന്ന തടിലോറിക്കു പിന്നില് മിനി ലോറി ഇടിച്ചു കയറി. കാബിനില് കുടുങ്ങിയ ഡ്രൈവറെ ഫയര്ഫോഴ്സ് രക്ഷപ്പെടുത്തി. ഇന്നു പുലര്ച്ചെ അഞ്ചിനാണ് അപകടം.
തിരുവനന്തപുരത്ത് വാഴക്കുലകള് ഇറക്കിയ ശേഷം തിരികെ മേട്ടുപ്പാളയത്തേക്ക് പോകുകയായിരുന്ന മിനിലോറിയുടെ ഡ്രൈവര് ഉറങ്ങിപ്പോയതാണ് അപകടകാരണമെന്നാണ് സൂചന. ടയര് മാറ്റുന്നതിനായി റോഡരികില് നിര്ത്തിയിട്ട തടിലോറിക്ക് പിന്നിലായാണ് മിനിലോറി ഇടിച്ചു കയറിയത്.
ക്യാബിനിനുള്ളില് കുടങ്ങിയ മേട്ടുപ്പാളയം സ്വദേശി തുളസി രാമനെ (51) കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇദ്ദേഹത്തിന്റെ കാല് സ്റ്റിയറിംഗിനടിയില് കുടുങ്ങിയ നിലയിലായിരുന്നതിനാല് ഹൈഡ്രോളിക്ക് ഉപകരണങ്ങള് ഉപയോഗിച്ച് അരമണിക്കൂര് നീണ്ട പരിശ്രമത്തിനൊടുവില് വാഹനം വെട്ടിപ്പൊളിച്ചാണ് ഫയര്ഫോഴ്സ് രക്ഷപെടുത്തിയത്. ഇദ്ദേഹത്തിന്റെ കാലിനും മുട്ടിനും നടുവിനും കാര്യമായ പരിക്കേറ്റിട്ടുണ്ട്.
Be the first to comment