ഐഡഹോ: ഐഡഹോ സംസ്ഥാനത്തുള്ള ട്വിൻ ഫാൾസ് നഗരത്തിൽ ഇൻ-എൻ-ഔട്ട് റെസ്റ്റോറന്റിലുണ്ടായ വെടിവയ്പ്പിൽ നിരവധി പേർ കൊല്ലപ്പെട്ടു. ശനിയാഴ്ച ഉച്ചയ്ക്ക് രണ്ടരയോടെയാണ് സംഭവം നടന്നത്.
ആക്രമണത്തിൽ നിരവധി പേർ കൊല്ലപ്പെട്ടതായി ട്വിൻ ഫാൾസ് പോലീസ് ചീഫ് മാത്യു ഹിക്സ് സ്ഥിരീകരിച്ചു. കൃത്യമായ മരണസംഖ്യ ഉദ്യോഗസ്ഥർ പുറത്തുവിട്ടിട്ടില്ലെങ്കിലും, കുറഞ്ഞത് മൂന്ന് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി പ്രാഥമിക വിവരങ്ങൾ വ്യക്തമാക്കുന്നു.
വെടിവയ്പ്പ് നടത്തിയതായി സംശയിക്കുന്ന അക്രമി സംഭവസ്ഥലത്ത് മരിച്ചതായി പോലീസ് അറിയിച്ചു. ഇയാളുടെ മരണകാരണവും ആക്രമണത്തിന് പിന്നിലെ യഥാർത്ഥ കാരണവും പോലീസ് അന്വേഷിച്ചു വരികയാണ്.
റെസ്റ്റോറന്റിന് സമീപമുള്ള റോഡുകളും പാലങ്ങളും അടച്ചുപൂട്ടുകയും, പ്രദേശവാസികൾ സുരക്ഷിതരായിരിക്കാൻ നിർദ്ദേശം നൽകുകയും ചെയ്തു. എഫ്.ബി.ഐ സംഘവും പോലീസിന് പിന്തുണയുമായി സ്ഥലത്തെത്തിയിട്ടുണ്ട്.
Be the first to comment