ആലപ്പുഴ മണ്ണഞ്ചേരിയിൽ കുറുവസംഘം പ്രതികളായ രണ്ടാം മോഷണക്കേസിലും രണ്ടാം പ്രതിയെ കോടതി വെറുതെവിട്ടു.
കുറുവ സംഘത്തലവനും രണ്ടാം പ്രതിയുമായ തമിഴ്നാട് രാമനാഥപുരം പരമക്കുടി എം ജി ആർ നഗർ കട്ടുപൂച്ചനെയാണ് (58) ആലപ്പുഴ ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതി-രണ്ട് ജഡ്ജി ശീതൾ എം ശശിധരൻ വെറുതെവിട്ടത്.
ഭവനഭേദനകേസിൽ കുറ്റക്കാരനാണെന്ന് കണ്ട് കേസിലെ ഒന്നാംപ്രതി തമിഴ്നാട് തേനി കാമാക്ഷിപുരം സന്ദന മാരിയമ്മൻ കോവിൽ സ്ട്രീറ്റ് സന്തോഷ് ശെൽവത്തെ (25) ശിക്ഷിച്ചു.
ഭവനഭേദനത്തിനും മോഷണത്തിനും രണ്ടുവർഷംവീതം തടവിനും 20,000 രൂപയുമാണ് പിഴ.
ഇത് ഒടുക്കിയില്ലെങ്കിൽ രണ്ടുമാസം കൂടി അധികതടവ് അനുഭവിക്കണം.
വിചാരണ തടവുകാരനായി 21മാസം ജയിലിൽ കിടന്നത് ശിക്ഷയിൽ നിന്ന് ഇളവുചെയ്യും.
Be the first to comment