രാജ്യത്ത് മൊബൈൽ ഫോൺ നിർമ്മാണം പ്രോത്സാഹിപ്പിക്കുന്നതിനുള്ള വലിയ നീക്കങ്ങളുമായി മുന്നോട്ട് നീങ്ങുകയാണ് കേന്ദ്ര സർക്കാർ. ഇതിന്റെ ഭാഗമായി 62,500 കോടി രൂപയുടെ മൊത്തം ബജറ്റോടെ ‘മൊബൈൽ ഫോൺ മാനുഫാക്ചറിംഗ് സ്കീം’ (എം.പി.എം.എസ്)-ന് കേന്ദ്ര മന്ത്രിസഭ ഇപ്പോൾ അംഗീകാരം നൽകി.
ഈ വൻ തുക വിനിയോഗിച്ച് രാജ്യത്ത് ഫോൺ നിർമാണവും ‘മെയ്ഡ് ഇൻ ഇന്ത്യ’ ബ്രാൻഡും വൻതോതിൽ വിപുലീകരിക്കാനാണ് സർക്കാർ ലക്ഷ്യമിടുന്നത്. ഇതിന് പുറമെ, സെമികോൺ-2 പദ്ധതിക്കായി 1.26 ലക്ഷം കോടി രൂപയും സർക്കാർ അനുവദിച്ചിട്ടുണ്ട്.
എം.പി.എം.എസ് പദ്ധതി പ്രകാരം അടുത്ത അഞ്ചു വർഷത്തിനുള്ളിൽ 62,500 കോടി രൂപയാണ് ഇന്ത്യൻ സർക്കാർ ചെലവഴിക്കുക. 2026 മാർച്ച് 31-ന് കാലാവധി അവസാനിച്ച ‘പ്രൊഡക്ഷൻ ലിങ്ക്ഡ് ഇൻസെന്റീവ് ഫോർ ലാർജ് സ്കെയിൽ ഇലക്ട്രോണിക്സ് മാനുഫാക്ചറിംഗ്’ പദ്ധതിക്ക് പകരമായാണ് ഊ പുതിയ സ്കീം കൊണ്ടുവരുന്നത്.
Be the first to comment