സംസ്ഥാനത്ത് അടുത്ത ദിവസങ്ങളിലും ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് (IMD) അറിയിച്ചു. തെക്കൻ ഗുജറാത്ത് തീരം മുതൽ മധ്യ കേരള തീരം വരെ സമുദ്രനിരപ്പിൽ തീരദേശ ന്യൂനമർദപാത്തി (Off-shore Trough) നിലനിൽക്കുന്നതും, വടക്ക്-പടിഞ്ഞാറൻ മധ്യപ്രദേശിനും തെക്ക്-പടിഞ്ഞാറൻ ഉത്തർപ്രദേശിനും മുകളിലായി ശക്തി കൂടിയ ന്യൂനമർദമേഖല സ്ഥിതി ചെയ്യുന്നതുമാണ് മഴ ശക്തമാകാൻ പ്രധാന കാരണം.
ഈ ന്യൂനമർദമേഖല ആദ്യം വടക്ക്-വടക്കുപടിഞ്ഞാറ് ദിശയിലേക്കും തുടർന്ന് ദിശമാറി (Recurve) വടക്ക്-കിഴക്കോട്ട് സഞ്ചരിക്കാനുമാണ് സാധ്യത. ഇതിന്റെ സ്വാധീനത്തിൽ ജൂലൈ 8 മുതൽ 12 വരെ കേരളത്തിലും മാഹിയിലും വ്യാപകമായി നേരിയ മുതൽ ഇടത്തരം മഴ ലഭിക്കുമെന്നാണ് കാലാവസ്ഥാ വകുപ്പ് പ്രവചിക്കുന്നത്.
Be the first to comment