കൊച്ചി: വീട്ടമ്മ പാമ്പ് കടിയേറ്റ് മരിച്ചു. എടവനക്കാട് അണിയല് മാര്ക്കറ്റിന് പടിഞ്ഞാറ് മനപ്പിള്ളി സത്യന്റെ വീട്ടില് വാടകയ്ക്ക് താമസിക്കുന്ന മലപ്പുറം വളപ്പ് കോഴിപ്പറമ്പില് സജീവന്റെ ഭാര്യ ബിന്ദു (50) ആണ് മരിച്ചത്. ചൊവ്വാഴ്ച രാത്രിയിലായിരുന്നു സംഭവം.
രാത്രി മുറ്റത്തിറങ്ങിയ വീട്ടമ്മയുടെ കാലില് എന്തോ കടിച്ചതായി അനുഭവപ്പെട്ടതിനെ തുടര്ന്ന് ആദ്യം ഞാറക്കല് സ്വകാര്യ ആശുപത്രിയിലും പിന്നീട് എറണാകുളം ജനറല് ആശുപത്രിയിലും ചികിത്സ തേടിയെങ്കിലും മരണം സംഭവിക്കുകയായിരുന്നു.
എന്നാല് ഏതു തരം പാമ്പാണ് കടിച്ചതെന്ന് വ്യക്തമല്ല. സാധാരണ ഈ പ്രദേശങ്ങളില് അണലിയുടെ സാന്നിധ്യം ഏറെയാണ്. ഇതിനാല് അണലി ആയിരിക്കുമെന്നാണ് കരുതുന്നത്. സംസ്കാരം ഇന്ന് ഉച്ചയ്ക്ക് രണ്ടിന് മുരുക്കുംപാടം പൊതു ശ്മശാനത്തില്.

Be the first to comment